На 03.06.2022г., во Куманово во организација на Центар за интеркултурен дијалог, а во рамки на проектот “Младите против насилство”, се одржа третата и последна работилница за “Активно учество”. Како во Струга и Скопје, така и младите и граѓанските организации од Куманово активно се вклучија во работилницата, дадоа свој придонес, но и научија за нивните младински права и политики, начини и методи на учество во креирањето и носењето на одлуки за млади и пошироко. Младите и ГО имаат потреба од градење на своите капацитети и вештини, сакаат да бидат слушнати и информирани, за да можат полесно да учествуваат во процесите за креирање на заедницата.
