Nami Isaki dhe Ivana Stojçevska morën pjesë në konferencën ndërkombëtare “SI MUND KOMUNAT TË BËHEN KOMUNA MIKE NDAJ TË RINJËVE?” në Krakov, Poloni që u zhvillua nga 08 deri më 10 Mars 2022.
Në konferencë, ata prezantuan Qendrën tonë Rinore MultiCulti si praktikat më të mira që kemi në qytetin tonë. Përmes diskutimit ata trajtuan edhe disa tema interesante si:
- gjuha e komunikimit mes qytetit dhe rinisë: teksti, simboli, imazhet vizuale, vlerat, postera, aplikacionet, zyrat
- sisteme formale për njohjen e qytetit si një entitet miqësor ndaj të rinjve – studim i rasteve nga qytetet evropiane
- një masë e efektivitetit të politikave publike rinore dhe lëvizjeve rinore – grassroots
- varësitë midis cilësisë së përgjithshme të jetës në qytet dhe aspektit të miqësisë ndaj të rinjve
- ide të tjera të orientuara drejt të rinjve të propozuara nga pjesëmarrësit dhe organizatat e tyre të projektit.
Kjo konferencë është pjesë e projektit “Hartëzimi i praktikave më të mira për qytetet miqësore ndaj të rinjve( Youth friendly cities” i bashkëfinancuar nga Programi Erasmus + i Bashkimit Europian.
