First Five

Асоцијација за консалтинг, социјално претприемништво и доживотно учење ФРСТ ФАЈВ е основана во 2013 година како невладина, образовна и бизнис-ориентирана организација. Иницијално нашиот бизнис модел беше базиран на подобрување на образованието во раното детство, како и кај младите преку учење базирано на реалниот живот. Согласно на промените на пазарот на труд на локално и глобално ниво, потребите на организацијата и корисниците на услуги, во 2019 започнува преструктурирање со цел дејствување на поширок спектар на растечки социјални и општествени прашања. Во таа насока, основната цел на Асоцијацијата се проширува и редефинира, бидејќи не само на децата туку на сите им е потребна помош и поддршка да ги надминат предизвиците на современо доба.

Визија
Општество во кое човечката свест е на ниво во кое се тежнее не само кон одржливост туку и кон прогресивен развој на секој поединец и насамото општество. Општество во кое владее хармонија, самосвесност, неоптеретено со материјализам, завист, омраза, алчност. Општество во кое човек на човек му е пријател. Општество во кое се создава и живее денес, а се гради подобра иднина за следните генерации.

Мисија
Развој на поединци, во секоја фаза на животот.

Цели
Основната цел на Асоцијацијата е поддршка и помош на поединци да живеат достоинствен и исполнителен живот, преку унапредување на образование и промовирање на доживотно учење, хуманизација на работа и работно место, креирање и одржување на цврсти и долгорочни врски, зајакнување на вредности, морал, етика и различности, разбирање и вреднување на сите фази во животот на поединец (детство, зрелост и трето доба), зачувување и разумна употреба на ресурси, минимизирање на отпад и губитоци, промовирање на свест за одржлив развој и креирање на животен стил во согласност со природата. Вредности Животот е на прво место. Нашите вработени се нашата инвестиција. Нашите клиенти се наше огледало. Растеме преку иновации и постојано учење. Вистина, чесност и интегритет се бескомпромисни. Успехот има различно значење за секого. Ние го почитуваме тоа.