ФОРУМ 16

Здружението за граѓански активизам ФОРУМ 16 е невладино, непартиско, непрофитно и нерелигиозно. ФОРУМ 16 е основано во 2013 година. Визијата е да им помогне на граѓаните на Република Македонија да имаат подобар живот преку нови иницијативи кои промовираат активно граѓанство, можност и ангажман во граѓанското општество. Мисијата е да им помогне на граѓаните на Република Македонија во остварувањето на своите идеи во областа на културата. уметноста, економијата, образованието и социјалната одговорност, како и да мотивира вклучување на граѓаните во тековните програми, проекти и активности.

Целите се:

• Да поттикне и поддржи младински активизам во областа на културата, економскиот развој, локални прашања, спортот и образованието.
• Да поттикне и поддржи граѓанските иницијативи кои поттикнуваат социјален напредок, европски вредности и меѓународна соработка.
• Да поттикне и поддржи претприемачкиот дух и зајакнување на екосистемот во Македонија за формирање на бизниси, граѓански организации и социјални претпријатија.
• Да поттикне и поддржи волонтерство и неформално образование.