Членките на Платформата ,,Младите против насилство” активно учествуваа во последниот -еднодневен состанок (од предвидените четири состаноци за стратешко планирање), а спроведен во рамки на Платформата ,,Младите против насилство”.
Целта на состанокот, беше презентација на Нацрт – стратегискиот план на Платформата ,,Младите против насилство” за периодот 2024 – 2025г. Истиот беше детално разгледан и проследен со плодна дискусија и активна работа во групи за креирање на акциски планови по стратешките цели.
Стратегискиот план на Платформата се развиваше во текот на првите три одржани состаноци во Куманово, Струга и Скопје. На тие состаноци, членките на Платформата работеа заедно за идентификување и приоретизирање на клучни области од значење за Платформата. Процесот вклучуваше SWOT анализа, проверка/ревизија на визијата и мисијата на Платформата, утврдување на стратешки цели и преглед на можни активности за периодот 2024-2025 г. Членките на Платформата, преку својот ангажман, ентузијазам и посветеност дадоа голем придонес во развојот на стратешкиот план, од кој произлезе Нацрт верзијата.
Состаноците за Стратешко планирање на Платформата ,,Младите против насилство” за 2024 – 2025 година беа интензивни и продуктивни, а се одржаа во периодот мај-септември во Куманово, Струга и Скопје.
Предлог Стратегијата ќе биде ставена на дневен ред за гласање од страна на управниот одбор на Платформата.
