Nxënës të shkollave të mesme të Strugës, Kumanovës dhe Shkupit morën pjesë në një trajnim ku patën mundësinë të mësojnë rreth konceptit të shkrim-leximit mediatik, lajmeve të rreme, dezinformimit dhe demokracisë online, dhe se si përdoren mediat tradicionale dhe sociale për t’iu kundërvënë këtyre fenomeneve, por edhe se si abuzohen të njëjtat. Nxënësit morrën pjesë aktive në punën në grup dhe zhvilluan diskutime të frytshme.
Realizimi i trajnimit me temën “Shkrim-leximi mediatik, dezinformimi (lajme të rreme) dhe demokracia online” është në kuadër të projektit Platforma për Edukim Qytetar të të Rinjve për Luftën Kundër Radikalizimit (Të rinjtë kundër dhunës).
